Ghar Par Matar Mushroom kaise Banaye; jane Sahi Tarika

Mushroom ka naam sunte hi aisa  lagta hai ki ise ghar par  banana bohot mushkil hoga. Khane mei ye jitna swadisht hai utna hi banane mein asaan hai. Naram naram mushroom aur matar ke pake hue daane khane mein kitna swadisht  lagta hai na. toaaiye aaj mai aapko matar mushroom banana sikhata hoon.

 

Samagri

 

  • Mushroom- 9-10 pieces
  • Jeera – ½ table spoon
  • Heeng- 1 chutki (pinche)
  • Namak- swadanusar
  • Hare matar ke daane- 1 cup
  • Hari mirch- 1-2 pieces
  • Adarak- 1 tukda
  • Tamaatar- 2-3
  • Tel- 2-3 table spoon
  • Cream- ½ cup
  • Hara dhaniya- baarik kata hua
  • Kastoori methi- 1 table spoon
  • Chhoti elaichi – 2
  • Laung- 2-3
  • Daalcheeni- 1 inch tukda
  • Kaali mirch- 5-6
  • Dhaniya powder- 1 table spoon
  • Laal mirch- ¼ table spoon
  • Haldi powder- ¼ table spoon

 

Vidhi

 

 Mushroom ko achhe se dho kar kaat lein ( 3-4 tukdon mein).

Hari mirch aur tamaatar ko dho kar kaat lein. Tamaatar ko aap apne anusaar kaat sakte hain, agar aapko bade tukde sahi lagte hain to bada kaate warna chhota kaat lein. Ab adarak ko chheel kar dho lein. Ab sari chhej ko achhe se mila kar paste bana lein.

Ab elaichi ko chheel kar uske daane koot lein.

Ab kadhai mein tel garam karke heeng aur jeera daal kar bhunein.

Bhunne ke baad bana hua paste, haldi, dhaniya powder, saaboot masala aur methi daal kar bhoonein.

Sab ko mila kar tab tak bhune jab tak ye laal na ho jaye aur tel upar ko aa jaye. Ab bhune masala mein matar daal kar naram hone tak pakaein.

Ab isme cream daal kar sabzi ke balne tak pakayein

Ab jab sabzi ubal gayi hai to ab isme mushroom daal dein aur apne sabzi ke anusar paani daal lein. Ab isme namak aur sabzi masal daal kar 5-6 minute ak dhak kar dheemi aanch par pakayein.

Pakne ke baad isme hara dhaniya baarik se kaat kar daal dein

Aapka matar mushroom ban kar taiyar hai.

Ab ise aap chahe to roti ya chawal ke sath kha sakte hain.

 

 Dekha kitna aasan tha. Ab aap bhi ise ghar par banayein aur apne hath ka bana hua matar mushroom kaisa laga ye hume commen mein jarur batayein.

  • Article By :
    Sahi Tarika Ek Koshish hai Sabko HarCheez Ka Aasaan Aur Sahi Tarika Batane Ki. Ye Ek Educational Blog Hai, jisme koshish ki gayi hai bahut si baate batane ki jo hume roz ki zindagi me zarurat padti hai. Aapko humse kuch bhi poochna ho, ya koi nayi jaankari chahiye ho toa hume email kare tarikasahi@gmail.com. Humari Koshish rahegi ke hum hamesha aapko Sahi Jaankari dete rahe.

Random Posts

Leave a Reply