Petrol Pump Waalo Ke Fraud Se Bache | Jaane Andar Ki Baate

Ye Bharat Desh ki ek common si samasya hai. Bahut Se Petrol pump waale bahut hi chalaki se ya toa hume kam petrol dete hai. Ya fir meter se chalaki se khelte hai. Iss Blog me hum aapko batayenge ke Kaise Petrol Pump Waalo Ke Fraud Se Bache | Jaane Andar Ki Baate.

Bharat ke lagbhah har ek ghar me Bike ya Car ya scooty hoti hi hai. Ya bhawishye me wo kabhi na kabhi Khareedte hi hai. Aur agar khareedi toa Petrol pump jaana hi parega. Waha bahut hi chalaki se aapko ya toa kam petrol diya jaata hai. Ya fir aapke meter ke reading me uljhaya jaata hai.

Humara udheshye sirf ya hai. Ke hum aapko aise loot se bacha sake. Aur aware karwa sake ke kaise aap in cheezo se bach sakte hai.

Neeche Bataya gaya hai Ke Kaise Petrol Pump Waalo Ke Fraud Se Bache | Jaane Andar Ki Baate

Petrol Pump Ke Pipe Ka Trick

petrol pump ke Pipe Ka Trick

Jadatar ke petrol pump pe aap dekhenge. Ke jo pipe jisse petrol wo daalte hai. Uska mouth bahut bada hota hai. Aur Petrol ke reading ka cut toa pehle hi ho jaata hai. Magar Mouth ke Piece me kam se kam 100 Ml – 150 ML petrol reh hi jaata hai.

To aage se dhayan rakhiyega ke wo pura mouth piece achche se cut lagne ke baad bhi daale. Har ek drop pe aapka haq hai, kyuki wo aapne apne mehnat ke Paise Se Khareeda hai.

Haath Ke Jadu Se Change Gayab Trick

note change

Ye Bikers ko bahut face karna parta hai. Kyuki wo 100 se lekar 1000 ke beech ka hi petrol dalwate hai. Jub change lautane ke liye petrol pump waale note gin rahe hote hai. Tab toa wo bahut sahi se ginte hai. Kyuki unko pata hota hai, ke bike waala bhi unke saath saath hi note gin raha hai.

Magar jub wo aapko gin ke Paisa dete hai. Us dauran wo 50 ya 100 ka ek note daba lete hai. Aksar Biker juldi me hote hai. Toa wo sochte hai, ke dekha toa thha sahi hai. Magar Jub wo baad me ginte hai toa Note kam hota hai. Aur Ab Petrol pump waala manega bhi nahi.

Ye Bhi Padhe:Kaise Smart Bane | Time Management Aur Productivity Badhaye | Life Hack

Toa bahut hi zada zaruri baat ye hai. Ke aap jub bhi change le. Bilkul Tasalli se count kare ke sahi hai ke nahi. Uske baad Note bhi achche se check kare. Ke kahi nakli note ya fata hua note toa nahi de diya usne.

Bhatkane Waala Special Trick

bhatkane waala trick

Ye zadatar bike aur Car waalo ke saath hota hai. Ek banda aapko meter pe zero read dikhata hai. Fir fill karna start karta hai. Usi ka Doosra bhanda aapko bhatkata hai. Jaise ke sir Card ya Cash. Sir kya ye Service hai Loago ya kuch bhi. Jaise hi aap meter ke reading se aankh hatate ho. Pehla banda jo petrol fill kar raha hai band karke, fauran se reset kar deta hai.

Is se bachne ka sahi upaye hai ke aap Meter ka print receipt mange. Kyuki last kitna fill hai uska accurate details nikal jayega. Toa pata chal jayega ke usne kitna Petrol daala hai.

Zarur Se Padhe: Jane Police Station Me FIR karwane ka Sahi Tarika

Kyuki aajkal Bharat ke lagbhag har ek petrol pump me receipt aata hai. Usse pata karna bahut aasan ho jaata hai.

Double Start Petrol Trick

double start trick

Maan lo aapne unse bola ke 500 Rs ka Petrol daal do. Wo sirf 200 ka Petrol daalke Stop kar denge. Fir aap bologe ke maine toa 500 ka bola thha. Wo bolenge ke Sorry nahi suna, abhi aur daal deta hu 300 ka. Aur Meter reset karne ki acting karenge. Aur jaise hi aapka dhyan bhatka. Wo fauran 300 tak reading pahucha denge.

Aapko lagega ke 200 + 300 = 500 ka petrol fill hua. Jubki asal me sirf 200 + 100 = 300 Ka Petrol fill hota hai.

Ye sabse common trick hai. Jisse Petrol waale kamate hai. Jub bhi aapke saath aisa ho, meter reading pe dhyan de aur printed receipt ki maang kare.

Jhatke Se Petrol Fill Karne Ka Trick

Jhatke Se Petrol Fill Karne Ka Trick

Aksar jub jhatke se Petrol release kiya jaata hai. Toa thoda sa Air bhi aa jata hai Pipe me. Aur baar baar Jhatka dene se Air jada Fill hota hai. Lekin Meter ke Reading chalu rehti hai. Aisa Jhatke se Fill Kar karke wo 10 litre me se 200 ML tak Petrol Bacha lete hai.

Ye Padhe: Kya Banne ke liye kis cheez ki padhai karne ka sahi tarika kya hai

Toa Agli baar se aap iss baat pe dhyan de aur bolo ke smoothly fill kare wo Petrol.

Continue Reading Trick

meter continue reading

Ye Aksar Bike waalo ke saath hota hai. Pehle ke bike waale ne 100 ka Petrol fill karaya aur nikal Gaya. Aapne 500 ka bola toa usne 100 se hi continue kar diya bina reset kiye. Aisa aajkal bahut kam hota hai. Fir bhi hume humesha meter ke reading pe dhyan dena chahiye fill karne se pehle bhi aur baad me bhi.

Boond Boond Se Sagar Bharne Ka Trick

aapne bola ke 100 Rs ka petrol fill kar do. Wo fill karte hai 99.23 aur stop kar dete hai. Aap zarur se dekhte hai ye. Magar sochte hai ke choro itne Paise me kitna hi Petrol aa jayega. Magar socho ke agar wo sabhi gadi ke saath hi aisa kare. Jo wo karte hai. Toa total Kitne ka Petrol aise bachate honge.

Must Read:  Interview Me Pass Kaise Kare | How to Prepare for Interview

Aajkal lagbhag har jagah digital meter hai. Use pura fill karne ke liye bole. Aur agar kam deta hai Toa usko bole ke 100.23 karo tab sahi hai. 100 se kam mat karna. Agar aap bologe oa wo zarur se aisa kar dega.

Toa Aapne dekha ke kaise humare choti choti cheezo ko ignore karne se. Petrol Pump waale humara bahut fayeda utha sakte hai. Isiliye Hume sawdhaan rehne ki zarurat hai.

Jub Bhi Petrol Pump Pe Petrol Fill Karwaye. Toa Neeche diye gaye cheezo ka dhayan de.
Zaruri Jankaari: Interview Me Answer Kaise De | Interview Ke Sawaal | Prepare Kaise Kare

Petrol Pump Waalo Ke Fraud Se Bache | Jaane Andar Ki Baate

  • Petrol Pump ka jo dispenser hota hai. Humesha usi ka printed bill mange. Koi Aur bill na le.
  • Usi Petrol Pump Se Petrol fill karwaye. Jo trusted ho. Aur jinke paas naye machines ho.
  • Apne car / bike se neeche utar ke humesha Petrol fill karwaye. Taake aap dekh sake sahi se.
  • Apni aankhe Meter pe tika ke rakhiye jub tak fill ho raha hai. Bilkul Distract na ho.
  • Cash Ke bajaye, Debit Ya Credit Card se Payment Kare.
  • Agar Jada Shaq ho raha ho. Toa aap Usi waqt quantity check karwa sakte hai. Jisme wo 250 ML ya 500 ML ke Can se Fuel check karwa sakte hai.

Agar aap aisa karte hai toa aap iss fraud se bach sakte hai. Umeed karta hu ke aapko ye Blog Pasand aaya hoga. Ise apne dosto aur pariwaar waalo ke saath bhi share kare. Taake wo in fraud se back sake. Aur ye jaan sake ke kaise Petrol Pump Waalo Ke Fraud Se Bache | Jaane Andar Ki Baate.

Aap Humse FACEBOOK ke zariye jud sakte hai. TWITTER pe bhi aap chahe toa hume follow kar sakte hai.

Content Protection by DMCA.com

Leave a Reply