Kuch Galtiya Jo Computer Use Karne Waale Aksar Karte Hai

Computer use karne waale aksar kuch aisi galtiya kar baithte hai. Jinse unke Files ka, System ka ya fir Data ka Nuksaan Hota Hai. Kuch choti baate hai, jinpe dhyan dena zaruri hai. Iss Blog me hum aapko batayenge Kuch Galtiya Jo Computer Use Karne Waale Aksar Karte Hai.

Kuch Galtiya Jo Computer Use Karne Waale Aksar Karte Hai Neeche Batayi Gayi Hai

Important Files Ka Backup Lena

Files Ka Backup Lena

Kuch files bahut important hoti hai computer me. Aur kayi baar kisi karan se wo kharab ho sakti hai ya delete ho sakti hai. Computer me bahut se kaaran Files corrupt ho sakti hai. Aksar loag apne important files ka backup nahi lete hai. Isse unhe kafi pareshani ka saamna karna parta hai.

Bahut zaruri hai ke aap apne important files ka Backup le. Backup Lene ke liye ya toa aap Hard drive / pen drive / CD / DVD ya fir Online Drive me bhi save kar sakte hai.

Ye Padhe: Android Phone Me WhatsApp Chat Ka Backup Kaise Le

OK ya Next pe click kar dena Bina Pura Padhe

bina padhe ok ya next pe click

Aksar jub hum koi Software install karte hai. Ya koi program run karte hai. Toa Kai baar OK and Next ko press karna parta hai. Jisse Process aage badhta hai. Magar hume OK ya Next pe click karne se pehle. Bahut Zaruri hai, ke kya likha hai ye bhi padhna chahiye.

Kai baar bina OK and Next pe Padhe Next pe click karne se. Bahut si cheeze hume samajh me bhi nahi aati hai. Aur bahut se Software and program iska fayeda bhi uthate hai. Jaise maan lijeye aap ek baar kisi cheez ka Paisa de rahe hai. Aur unhone likh diya ho ke har baar aapse Paisa lenge aapke same card se. Aur Aapne OK and next pe click kar diya bina padhe. Toa aage aapko pareshaani ho sakti hai.

Apna Computer Pe Kiya Hua Kaam Save Nahi Karna

Computer Pe Kaam Save Karna

Bahut se loag excel, powerpoint and word pe kaam toa karte hai. Magar Save karna bhool jaate hai. Ab computer ke achanak se band ho jaane pe. Ya wo file / folder ke band ho jaane se. Kaam Save nahi ho paata hai.

Bahut zaruri hai ke aap jo bhi kaam kare Save karni ki aadat bana le. Ye aadat bana lene se aap Save karna nahi bhoolenge. Aur kabhi aapke saath aisa nahi hoga ke aapne bahut mehnat se koi Presentation ya file banayi. Aur Save karna bhool gaye, toa firse pura sab kaam karna hoga.

Ye bhi Padhe:  Computer Ya Laptop Me Se Faltu Ke Software Kaise Uninstall Kaise Kare

Apne Computer Ko Sahi Tarike Se Band Nahi Karna

Computer Ko Sahi Se Band Karna

Computer ko band karna sahi se bahut zaruri hota hai. Agar sahi se computer ko off nahi kiya toa iske files and software corrupt ho jaate hai and Machine ko kharab kar dete hai. Bahut loag juldi ke karan apne machine ko computer ko sahi se band ya Switch Off nahi karte.

Isse Computer ki memory and circuit pe zor parta hai, Aur wo computer juldi kharab ho jaata hai. Aur wo hand bhi karne lagta hai.

Email Me aaye Hue Attachment Ko Bina Jaane Kholna

Email Attachment ko Jaane

Aapke paas bahut se unknown loago ke email aate honge. Bahut se loag aapko kuch na kuch attachment bhi bhejte honge. Attachment ko kholne se pehle aapko iss baat ka pura dhyan dena hai ke attachment me kya hai.

Attachment me wo aapko Virus aur bhi bahut se aisi files bhej sakte hai. Jisse aapka pura System kharab ho jayega. Jub bhi aapko koi unknown jagah se email aaye aur usme attachment ho. Toa bahut soch samajh ke attachment khole. Ye dekh le ke attachment ka File extension kya hai. Agar bina soche samjhe attachment khola toa Virus ya program activate ho jayega aur Computer ko bahut zada nuksaan dega.

Ye Bhi Jaane: Computer Me ScreenShot Kaise Lete Hain | Jaane Sahitarika Hindi Me

SPAM and PHISHING email Ka Shikaar Hona

phishing and spam se bache

Aksar loago ko 1 crore rupiya jeetna ka ya lottery jeetne ka email aata hai. Kisi ko free me koi samaan milta hai. Kabhi kisi ko bahar ke kisi aadmi ya lady ka email aata hai, jo apna saara will aapke naam kar dena chahta hai.

Ye saare email SPAM and PHISHING emails hote hai. In emails pe aap bilkul reply mat kare aur immediately inhe delete kar de.

Ye emails aapko lalach dete hai, aur aapse aapke baut zaruri documents le lete hai. Baad me ye aapse kuch paisa bhi mangte hai. Kabhi paisa courier karwane ke naam pe. Ya unki country me hi Bank Account khulwane ke naame pe. Sach maan kar loag paisa bhi dete hai. Magar baad me unka koi ata pata nahi chalta. In sab emails se duur rahe. Aur yaad rakhe ke agar koi aapko Free me kuch bhi de raha hai toa jadatar wo SPAM hi hai.

Software Install karne se pehle Uske Baare me Pura Jaane

Software Install Karne se Pehle Dekhe Kya Hai

Agar aapke paas computer hai. Toa aapko bahut se Software bhi chahiye honge kaam karne ke liye. Bahut se Software Online bhi available hote hai. Jo Download kiye ja sakte hai. Hume bus itna dhyan dena hai ke hum kaun sa Software install kar rahe hai. Aur kya iss Software ke saath kuch aur bhi humare Computer me Install ho raha hai.

Kai baar aapko Software Install karwane se pehle. Download Manager install karna parta hai. Yaani pehle ek installer install hoga fir wo Software install karega. Aisa na kare, wo ek tarah ka Advertisement hota hai. Kabhi bhi koi bhi aisa Software na Install kare jo install hone ke baad dusre Software install hone ka dawa karta ho.

Zarur Se Padhe:  Computer Expert Banane Ke Liye In 7 Steps Ke Bare Padhiye

Jis Software ki jaankari ho wahi install kare aur samajhdaari se Padh ke Install kare.

To ye thhi kuch Basic baate jo har ek Computer user ko aani chahiye. Aur saath hi yahi wo kuch cheeze hai jo computer user kabhi dhyan nahi de paate.

Toa ab aapne jaan liya ke kya hai Kuch Galtiya Jo Computer Use Karne Waale Aksar Karte Hai. Aur ab aapke paas iski puri jaankari bhi hai. Kuch poochna hai toa comment karke pooch sakte hai.

Aap Humse FACEBOOK ke zariye jud sakte hai. TWITTER pe bhi aap chahe toa hume follow kar sakte hai.

Content Protection by DMCA.com

Leave a Reply