Saaf Aur Sundar Chehra Karne Ka Asaan Aur Sahi Tarika – 7 Dino me

Insaan apne karmo se bhi pehle, apne chehre se pehchana jata hai. Ab ye kitna sahi hai aur galat, ye to baad ki baat hai. Ab jab itna hi zaroori hai chehra, to Saaf Aur Sundar Chehra Karne Ka Asaan Aur Sahi Tarika – 7 Dino me. Har kisi k liye sundar dikhna utna hi zaroori hai jitna bhuke ko khana.Log sundar dikhne k liye bht kuch karte hai. Yahan tak ki hazaaro paise bhi kharch karne ko tyarr ho jate hain. Mehange cosmetics, skin treatment aur bhi bht kuch. Lekin yesab karne ke baad bhi unhe kuch result nhi milta. Par fir bhi log kiye ja rahe hain ek aisi umeed k sath jo shayad kabhi poora na ho ya bht saal me poora ho.

Internet par bahut se upaye mil sakte hain par unme se 90 % upaye aise hote hain jo har kisi ki skin ko suit nhi karte. Hum lekar aaye hai ek aisa tarika jo asaan aur sahi to hai hi, balki har kisi ki skin ko suit bhi karta hai.

Aaiye seekte hai asaan aur sahi tarika

Aapko Chaiye

  1. Genhu ka atta (Wheat Flour )( 2 chammach )
  2. Chawal ka atta ( 1 Chammach )
  3. Tamatar ka ras ( 1 Chammach )
  4. Dudh ( paste banane k liye )

Banane ka Tarika

Sabse pehle ek saaf katori le le. Usme genhu aur chawal ka atta mila len. Ab isme tamatar ka ras milayen. Tamatar ka ras aapki skin ki melanin ki matra ko kam karne me madad karta hai. Isse aapke chehre ka rang gora aur saaf hoga. Ab isme dudh utna hi milayen jitna ek paste banane k liye chaiye. Agar aap thanda dudh lenge to aur aacha hoga.

Kaise lagayen

Sabse pehle apna chehre ko aache face wash se dho len. Chehre ko towel se pooch len. Ab cotton ya brush ki madad se is paste ko aache se apne chehre par lagayen. Yaad rakhiye, aankhon k aas pas ki jagah se door rahen. Agar galti se aankh me chala gaya ho, to turant pani se jakar dho len. Aankh bht hi nazuk cheez hai, aur ye sab chezon se kharab bhi ho sakti hai.

Ab is pack ko sukhne den. Tab ta aankh band karke aaram karen kyunki relax karna bhi skin k liye acha sabit hota hai. Jab 5 ya 10 min baad chehra sookh jaye to normal pani se dho len. Baad me koi bhi ek aacha sa moisturizer laga len.

Aap pehli hi istamaal me iska positive asar dekh sakte hai. Aapki skin na to kewal saaf balki gori dikhayi degi.

Ye tarika aap hafte me 2 din istemaal kar sakte hai. Yaad rakhiye, roz roz lagane se aapko result jaldi nhi milega balki skin dry pad sakti hai. Isliye hafte me do baar hi lagaye.

Ye ek aisa tarika hai jo har kisi ki skin ko suit karta hi. Chahe vo oily ho ya dry ya nazuk. Har koi ise aaram se befikar istemaal kar sakta hai.

 

Agar aapko ye article padh kar achcha laga aur kuch achcha ya naya sikha aapne toa apne dosto ko bhi sikhaye. Aur unhe ye link share kare. Humari ye koshish rahegi ke aapko hum rozana kuch naya sikhaye.

Agar aapko humse kuch poochna hai toa comment me aap pooch sakte hai.

  • Article By :
    Sahi Tarika Ek Koshish hai Sabko HarCheez Ka Aasaan Aur Sahi Tarika Batane Ki. Ye Ek Educational Blog Hai, jisme koshish ki gayi hai bahut si baate batane ki jo hume roz ki zindagi me zarurat padti hai. Aapko humse kuch bhi poochna ho, ya koi nayi jaankari chahiye ho toa hume email kare tarikasahi@gmail.com. Humari Koshish rahegi ke hum hamesha aapko Sahi Jaankari dete rahe.

Random Posts

Leave a Reply