Product Ki Sales kaise badhaye | Ek Achcha Salesman Kaise Bane

Ek achcha salesman ban paana sabke liye aasan nahi hai. Salesman wo hota hai jo apne products ki jada sale kar sake. Kuch loag sochte hai ke salesman ko sirf jhoot bolna padta hai. Magar ye sach nahi hai. Agar achche se sach bol ke bhi Sahi Tarike se bhi sale ki jaye toa wo ho jaati hai. Iss Blog me hum aapko batayenge ke Product Ki Sales kaise badhaye | Ek Achcha Salesman Kaise Bane.

 

Product Ki Sales kaise badhaye | Ek Achcha Salesman Kaise Bane

Ek achcha salesman banne ke liye bahut zaruri hai ke aap, presentable ho. Aap duur se dikhe. Aur bhi bahut si cheeze honi zaruri hai jo neeche list me batayi gayi hai.

 

Aapne Saaf Aur Achche Kapde Pehne Hue Hai.

Saaf kapde pehene se insaan achcha dikhta hai. Zaruri nahi hai ke naye kapde hi pehno. Lekin jo bhi pehno saaf hona chahiye. Iron kiya hua bilkul achche se.

 

Aapko Apne Product Ke Baare Me Achche Se Aata Hai

Jo bhi product aap bechna chah rahe hai. Uski aapko knowledge hai. Jo bhi kuch samaan leta ya khareedta hai. Usko pehle se uss samaan ka thoda bahut toa pata hota hai. Isiliye bahut zaruri hai ke aapko us samaan ka sab kuch aana chahiye. Sab Kuch matlab Sabkuch.

 

Aapko Market Ke Dusre Products Ki Bhi Achchi Knowledge Hai. 

Agar apna product bechna hai toa dusre products ki jaankaari bahut zaruri hai. Loag humesha aapke product ko kisi dusre produt se zarur se tulna karenge. Examples denge dusre products ka. Uske baare me bahut si achchi baate batayenge. Iske liye aapko tayyarrehna hai. Isiliye zaruri hai ke apne competitors products ki jaankaari bhi saath rakhe.

 

Apne Product Ki Kuch Khaas Baato Ki List Banaye

English me ek word hai U.S.P, iska matlab hota hai "Unique Selling Proposition". Yaani kuch khaas baate jo sirf aapke product me hai aur dusro ke product me nahi hai, Kuch aisi vishesh baate hai aapke products me jo dusre products me nhai hai. Aapko uski list banani chahiye, aur apne sale pitch, matlab Sales ki baato me use karna chahiye.

 

Pehle Pooche Fir Beche

Hamesha pehle customer se pooche kya dhoond rahe hai wo. Unko asal me kya chahiye aur isse unka kaise fayeda hoga. Fayeda matlab usko ye kaise use me laana chahte hai aur unki requirenment kya hai. Ye jaanne ke baad hi apna product dikhaye aur unko ye bataye ke aapke produt me kya hai. Jinse unka kaam ban jayega.

 

Khareedna Ka Range / Budget Jaanne Ki Koshish Pehle Hi Kare

Unse pooche ke unka budget kya hai. Wo kitne tak ka product / samaan dekh rahe hai. Unki range jaanne ke baad pooche ke isse upar neeche chalega ya ye fix hai. Sab jaanne ke baad usi range ka apna product dikhaye. Isse aapka samay bhi nasht nahi hoga aur juldi sale hone ke chances hai.

 

Sale Ke Baad Kya Kya Support Denge Ye Bhi Batatye

Product toa wo kahi se bhi khareed sakta hai. Magar wo leta wahi se hai jaha use after sales support, yaani sales ke baad jo support milega aapki taraf se. Unhe bataye ke agar koi bhi zarurat ho ya product samajh me na aaye toa aap unki khushi se sahayta karenge. Unhe saaf bataye ke kya kya wo expect kar sak te hai aur kya kya nahi.

 

Apne Product/ Samaan Ka Achche Se Demonstration De

Apne Product/ samaan ka unhe demonstration de. Yaani dikhaye ke wo kaise use kiya jaata hai. Saare features dikhaye. Sab kuch achche se bayate. Taaki unko achce se samjh me aaye. Jitna sahi aur jada aap batayenge. Utna jada chances hai aapke product ke bikne ka.

 

Unse Jada Baat Kare, Unse Dost Ki Tarah Baat Kare

Unse idhar udhar ki baate bhi kare ek dost ki tarah. Unhe aap me ek apnapan sa lagna chahiye. Unko lagna chahiye ke aap unka nuksaan nahi karenge.

 

Muskura ke Baat Kare

Jaha tak ho sake muskura ke baat kare aur unki taraf dekh ke baat kare. Body language sahi honi chahiye. Isse aapka ek positive impact yaani achchi soch jaati hai.

Ye Bhi Padhe:  Interview Me Answer Kaise De | Interview Ke Sawaal | Prepare Kaise Kare

Ye Bhi Padhe:  Ek achchi si badhiya si powerpoint presentation kaise de 

 

Umeed karta hu in sab cheezo ka khayal rakhne se aap ek achche salesman ban sakte hai. Aur product ki bahut achchi sale kar sakte hai. Agar aapko kuch poochna hai toa humse comment me pooch sakti hai. Hume khushi hogi aapke sawaalo ka jawaab dene me.

 

 

  • Article By :
    Sahi Tarika Ek Koshish hai Sabko HarCheez Ka Aasaan Aur Sahi Tarika Batane Ki. Ye Ek Educational Blog Hai, jisme koshish ki gayi hai bahut si baate batane ki jo hume roz ki zindagi me zarurat padti hai. Aapko humse kuch bhi poochna ho, ya koi nayi jaankari chahiye ho toa hume email kare tarikasahi@gmail.com. Humari Koshish rahegi ke hum hamesha aapko Sahi Jaankari dete rahe.

Random Posts

2 thoughts on “Product Ki Sales kaise badhaye | Ek Achcha Salesman Kaise Bane

Leave a Reply