PayTm Ka Mobile Application Kya Hai | Aur Ise Kaise Use Karte Hai

Paytm ek online bank hai. Jaha pe aap apise jama kar sakte hai. In paiso ko aap directly apne Bank account me daal sakte hai. Paytm ek Mobile Application hai, jo Smartphone me use kiya ja sakta hai. Ye use karne me bahut aasaan hai. Aur chote dukaandaaro ke liye aajkal bahut upyogi bhi. Iss Blog me hum aapko batayenge ke PayTm Ka Mobile Application Kya Hai | Aur Ise Kaise Use Karte Hai.

PayTm Ka Mobile Application Kya Hai | Aur Ise Kaise Use Karte Hai

Aap agar Paytm Mobile Application download karke use karna chahte hai. Toa sabse pehle aapke paas neeche di gayi cheeze honi chahiye.

 

  • Ek Smart Mobile Phone. (Jisme net chalta ho, aur Camera bhi ho).
  • Ek Email Id. (Ye zaruri nahi hai, magar ho toa achcha hai)
  • Ek Mobile Number  (wahi number jisme smart phone chal raha ho)

 

Apna Khud Ka Free Ka email Id banane ke liye ye padhe: 

Email ID banane ka sahi aur asaan tarika​

Agar aapke paas ye cheeze hai. Toa ab hum aapko step by step guide karenge ke PayTm Ke Mobile Application ko (App ko). Kaise use karte hai aur chalate hai.

 

Neeche diye gaye Steps ko follow kare. Photo bhi hai saath me aasaani se samajhne ke liye.

 

STEP 1:

 

Apne Mobile Pe Paytm Mobile Application Download Kare.

 

Aap Sithe neeche diye gaye Link pe click karke bhi download kar sakte hai.

Download Free PayTm Application

Ya Apne phone me Jaye. –  Google Play Store  pe click kare.

google play store

STEP 2:

 

Google Play Store Se Paytm App Download Kare

 

Ab Aap ko sabse upar search pe jaake   Paytm   type karna hoga.   Neeche diye gaye photo jaisa khulega. Aur jaha pe Google Play likha hua hai. Wahi pe Paytm likhe. Fir Search pe click kar de.

 

Google Play Store SearchYe yaad rakhe ke Google Play Store use karne ke liye. Aapko apne phone se Gmail email se Login karna hoga pehle. Agar aapke paas gmail ki email ID nahi hai toa neeche diye gaye blog ko padh kare Free me ek gmail ID banaye.

Abhi Padhe:  Gmail.com pe email ID banane ka sahi aur aasaan tarika

 

STEP 3:

 

Paytm Mobile App ko Download Kare

 

Search karne ke baad Paytm ka Mobile Application nazar ayega. Jo dikhne me neeche diye gaye photo jaisa hoga.

Google Play Store pe Paytm app

STEP 4:

 

Paytm Mobile App ko Apne Mobile Me Install Kare

 

Install- Ab aap jaha pe   Install  likha hua hai. Use Click Kar de. Click karne ke baad neeche diye gaye photo jaisa khul jayega.

Install Paytm Mobile App

STEP 5:

 

Paytm ke Condition ko Accept Karke Download Start Kare

 

ACCEPT –  Ab Aap   Accept  pe click kar de. Toa neeche dikhaye gaye photo jaisa Install hona shuru ho jayega.

Install Paytm mobile application

STEP 6:

 

Paytm Mobile Application Ko Ab Open Kare

 

OPEN – Ab aapka Application Install ho gaya hai. Aap Open  pe click kare. Kuch neeche diye gaye photo jaisa screen ayega ab.

 

paytm app use karna

STEP 7:

Paytm Ko Kis Language (Bhasa) me Use Karna Hai Select Kare

 

Choose Language – Ab aapko Language yaani Bhasha select karni hai. Jisme Aap iss App ko use karna chahte hai. Aap koi bhi Language ko select kar sakte hai. Neeche diye gaye photo jaisa khulega.

 

paytm language choose kare

STEP 8:

 

Apna Paytm pe Account Banaye. Login Ya Sign Up Kare

 

LOGIN/ Sign Up –  Ab aapko Login (agar account pehle se hi hai toa), Ya Sign Up (agar account nahi hai toa). Pe Click karna hoga. Agar naya account banana hai toa Sign Up pe click kare.  Pehla screen neeche diye gaye photo jaisa khulega.

 

Paytm ka pehla page

STEP 9:

 

Paytm Pe Naya Account Banaye

 

Sign Up – Jub aap Login pe click karenge toa neeche diye gaye photo jaisa khulega.

 

Login Paytm

STEP 10:

 

Form Fill Karke, Apni Jaankari Daale

 

Sign Up – Ab aap Login ke Bagal me Sign up pe click kare. Jaha aapse aapke phone aur bhi jaankaari li jayegi. Sign Up  neeche diye gaye photo jaisa dikhega.

 

Sign up kare paytm me

STEP 11:

 

Apna Mobile Number, Email ID aur Password Daale

 

Form Fill – Ab aapko isme apna detail daalna hoga. Sabse pehle apna Mobile Number daale. Fir chahe toa Email ID daale. Agar email ID nahi hai toa us jagah ko khaali rehne de.  Fir ek  Password  daale. Jisse baad me aap kabhi Login kar sake. In saari cheezo ko yaad kar le. Ab aap Sign Up  pe click kar de.

Neeche diye gaye photo jaisa khulega Sign Up pe click karne ke baad. Jisme Aapse OTP   manga jayega.

 

OTP paytm

STEP 12:

 

Jo OTP (SMS) ayega aapke Mobile pe, Ab wo Daale Paytm App me

 

OTP daale:  Aapne jo mobile number daala hai. Uspe ek SMS ayega jisme kuch digit ka OTP ayega. Aapko wo OTP mange jaane pe daalna hoga. OTP daalne ke baad Done  pe click kare.

Ab aapka Paytm Account Khul chuka hai. Neeche diye gaye photo jaisa page ab khul jayega.

 

Paytm ka home page

Ab Aapka Paytm account khul chuka hai. Aur aap ise use kar sakte hai.

 

Agar aap Laptop ya Computer se Paytm pe login ya Sign Up karna chahte hai toa neeche diya gaya Blog bhi padhe:

Paytm Pe Account Kaise Banate hai | Paytm Wallet | Puri Jaankaari

 

Ab jub aapka Paytm Account Khul Chuka hai. Toa jaane ke ise Use Kaise Karte Hai.

 

Paytm Mobile Application Ko Use Kaise Karte Hai

 

Aapne apna Paytm pe account bana liya hai. Ab neeche aapko jaankaari di jayegi ke ise use kaise karte hai.

Apne Mobile pe Paytm Application ko khole. Usme upar me hi kuch options honge.

 

PAY

Isse Aap kisi ko bhi uske Paytm account me paise bhej sakte hai. Aap Pay

  • Scan Code:  (dusre ke Paytm ka code) ko scan karke fauran pay kar sakte hai.

Paytm Mobile scan

  • Mobile No:  Kisi ke bhi mobile me aap paisa bhej sakte hai.

paytm mobile number pe pay

  • Show Code:  Aap apna OTP dukaandaar ko dikha sakte hai jise wo apne paytm se scan kar sakta hai. Ye code har minute alag alag aata hai. Security ke liye.

Paytm barcode scan

  • Payment Request:  Aapse agar koi payment request bhejta hai toa yaha pe dikhne lagega. Aap use pay kar sakte hai.

 

Add Money

Yaha se aap apne Paytm account me paisa add kar sakte hai. Aap ye paisa apne bank account se direct mangwa sakte hai. Agar aap Net Banking ya debt card use karte hai toa.

 

Passbook

Ye aapke account ka detail rakhta hai. Kub paise aaye. Kaha se paise aaye aur aapne apne account me kya kya transaction kiya. Ye sab baate ye record rakhta hai. Aapki aasaani ke liye. Ise aap Bank ka passbook jaisa hi samjhe.

 

Deals

Naye products ki jaankari milti hai yaha se. Jise aap khareed sakte hai apne Paytm ke account se. Ye jaankaari hamesha badalte rehti hai.

 

Nearby

Agar aapne apne mobile me GPS on kiya hua hai. Toa ye aapko bata dega ke aapke aas paas kaun kaun si dukaan ya shop hai. Jaha pe aap Paytm se transaction, yaani khareed / bech kar sakte hai. Pure Address ke saath Map me ayega detail.

 

Accept Payment

Aap kisi bhi mobile number se request kar sakte hai paisa mangwane ke liye. Aap koi bhi mobile number daal sakte hai jo Paytm use karta ho.

 

Recharge

Aap apne paytm account se apna mobile bhi recharge kar sakte hai aur kisi dusre ka bhi mobile recharge kar sakte hai. Mobile recharge ke alawa aap apne bizli ka bill, TV / Dish ka bill, Metro card ka payment, Gas Connection, Paani, Petrol, Shopping aur bhi bahut kuch me use kar sakte hai.

Paytm se mobile recharge kare

Dhyan rakhe ke aap Paytm se Paisa nikal nahi sakte directly Bank Ki tarah. Aap Paytm Account me Paisa jama kar sakte hai. Paisa ko nikalne ke liye in paiso ko aapko apne bank account me hi daalna hoga. Agar Bank account me nahi daalna chahte toa aap in paiso se online shopping aur bhi bahut kuch kar sakte hai.

कुछ ऐसी Google Apps जिनके बारे में जानना जरुरी है।

 Umeed karta hu aapko ye jaankaari sahi lagi hogi aur aapne jaan liya hoga ke PayTm Ka Mobile Application Kya Hai | Aur Ise Kaise Use Karte Hai. Agar aapko kuch poochna hai, ya kuch samajh me na aaya ho toa humse comment kar ke pooche. Hum uska sahi jawaab denge. Iss post ko aur loago tak bhi pahuchaye, taake sab ko iski sahi jaankaari mil sake.

By Sahi Tarika

Sahi Tarika Ek Koshish hai Sabko HarCheez Ka Aasaan Aur Sahi Tarika Batane Ki. Ye Ek Educational Blog Hai, jisme koshish ki gayi hai bahut si baate batane ki jo hume roz ki zindagi me zarurat padti hai. Aapko humse kuch bhi poochna ho, ya koi nayi jaankari chahiye ho toa hume email kare [email protected]. Humari Koshish rahegi ke hum hamesha aapko Sahi Jaankari dete rahe.

2 thoughts on “PayTm Ka Mobile Application Kya Hai | Aur Ise Kaise Use Karte Hai”
    1. sahitarika says:

      Thank You Rishikesh. Umeed karta hu ye information aapko sahi lagi hogi.

Leave a Reply