naya email bhejne ka sahi tarika

Ek naya email bhejne ka sahi aur aasaan tarika janiye. Jaisa ki aapko pata hoga ke email ID hona aajkal Internet pe bahut zaruri hai. Agar aapke paas email ID hai toa achchi baat hai. Agar nahi hai toa aap yaha click karke jaan sakte hai ke Email ID banane ka sahi aur asaan tarika kya hai.  Yaha hum aapko batayenge ke Naya ek email bhejne ka sahi aur aasaan tarika kya hai.

Naya ek email bhejne ka sahi tarika jaanne ke liye neeche likhe gaye instructions ko follow kare.

  1. Sabse pehle Aapke paas ek email ID honi chahiye. Chahe wo Gmail.com ki email ID ho, ya Rediffmail.com ki email ID ho ya Yahoo ki email ID ho.
  2. Us email ID ke website ko khole. Aapko Login ID aur Password daalna hoga. Jo aapne banate waqt daala thha.
  3. Agar password yaad nahi hai, toa aap forgot password pe click kare aur sawaalo ke jawaab de jo aapne daale thhe. Ya mobile pe code mangwaye. Isse aapka password reset ho jayega aur aap firse Login kar payenge.
  4. Jub aapka Login ho jaye toa Compose pe click kare
  5. Uske baad website pe ek page khulega jo kuch kuch neeche diye gaye photo jaisa dikhega.
  6. email kaise bheje sahi tarika
  7. Jaha pe TO likha hoga waha, uss email ID ko daale jisko email Bhejna hai. jaise agar aapko hume email bhejna hai toa TO me [email protected]  daale.
  8. Ab uske neeche Subject likha hoga. Isme ek line me daale ke aap email kis liye likh rahe hai. Jaise ki agar kuch jaankaari chahiye toa us jaankari ke baare me thoda sa ek line likhe.
  9. Ab subject ke neeche ek bada sa khaali dabba hoga. Usme aap pura email Likhe. Jis bhi baare me aap email Likhna chahte ho.
  10. Fir email me sab likhne ke baad Send button pe click kar de.
  11. Aapka email chala jayega. Ye email agar aap dekhna chahe toa apne email ke sent item me jaake dekh bhi sakte hai.

Ab jab aap ka email bhejna jaan chuke hai, toa aapko ye bhi jaanna chahiye:

Agar aapko ye article padh kar achcha laga aur kuch achcha ya naya sikha aapne toa apne dosto ko bhi sikhaye. Aur unhe ye link share kare. Humari ye koshish rahegi ke aapko hum rozana kuch naya sikhaye.

Agar aapko humse kuch poochna hai toa comment me aap pooch sakte hai.

By Sahi Tarika

Sahi Tarika Ek Koshish hai Sabko HarCheez Ka Aasaan Aur Sahi Tarika Batane Ki. Ye Ek Educational Blog Hai, jisme koshish ki gayi hai bahut si baate batane ki jo hume roz ki zindagi me zarurat padti hai. Aapko humse kuch bhi poochna ho, ya koi nayi jaankari chahiye ho toa hume email kare [email protected]. Humari Koshish rahegi ke hum hamesha aapko Sahi Jaankari dete rahe.

Leave a Reply