Body Stamina Badhane Ka Aasaan Aur Sahi Tarika

Stamina ka matlab sirf lambi der tak daur paana nahi hota. Bulki dimaag aur body dono ka chusht rehna hota hai. Achcha stamina uska ho sakta hai jiska ek healthy shareer ho. Iss Blog me hum aapko batayenge ke Body Stamina Badhane Ka Aasaan Aur Sahi Tarika kya hai aur aap kaise ise apne jeewan shaily me use kar sakte hai.

Body Stamina Badhane Ka Aasaan Aur Sahi Tarika Janne ke liye neeche diye gaye Instructions ko follow kare.

Stamina ka matlab sirf apni shakti aur urja ko badhana nahi hota balki Bimari aur tanaopurn cheezo se ladne me madad bhi karna hota hai. Aajkal ke Zindagi me sab se jada zaruri hai Energy, Power aur Stamina. Agar aapke paas inme se kisi ek ki bhi kami hai toa aap kisi bhi kaam ko achche se nahi kar sakte hai.

Apne Khaan Paan Pe Dhyan De

Samay se khaye, Time se khane se Body ke andar ka Body Clock adjust ho jaata hai aur khana achchi tarah se pach jaata hai. Jisse aapko uske andar ka nutrition aur aahar milta hai. Jo time se nahi khaate wo juldi thak se jaate hai.

Koshish kare ke healthy khaana khaye aur junk food se bache.

Bahar Ke Outdoor Sports Me Bhag Le

Jo bhi khel aapko pasand hai jisme thodi daur bhag hoti hai zarur se khele. Jaise ki football, Cricket, Basketball ya kuch bhi jo aapko pasand ho. Isse aap Fit rehte hai aur Stamina Badhta hai.

Run/ Swim / Jump

Daure, Taire aur kude , inme se jo bhi aap asaani se kar sakte hai kare. Ye Heart ke liye bahut achchi exercise hai. Aap chahe to cycle bhi chala sakte hai. Ek achche Stamina ke liye ek achcha aur helthy Dil chahiye hota hai. Apne Dil ka khayal rakhe.

Kuch Kuch Khate Rahe

Thode thode samay pe thoda sa healthy khaana khate rahe. Isse aapke shareer ko takat milte rahegi aur aap fit rahenge.

Khub Paani Piye

Jitna jada ho sake utna jada paani piye. Stamina ko badhane me sabse bada haath paani ka hota hai. Jaada paani peene se body ki metabolism activity badhti hai aur Stamina gain hota hai. Body me Oxygen ki matra badhti hai aur Aapke khoon ka flow increase hota hai. Isse Stamina badh jaati hai.

Khane Me Carbohydrate wale Khane Jada Le

Carbohydrate wale khane jaise ki Anaaj, Roti, Phal, sabjiya, Doodh jaisi cheezo ka sewan jada kare. Carbohydrate waale khane se body ko starch milta hai jisse energy paida hoti hai.

Apni Aadati Badle

Sharab, Cigarette, aurbahar ke tale gale khane se jitna ho sakta ho bache. Ye Stamina ke dushman hote hai. Jo loag iska sewan lete hai wo kabhi bhi achcha Stamina nahi paa sakte hai.

Nashta (Breakfast) Bahut Healthy Kare

Nashte me khoob khaye aur healthy khana khaye. Niyamit aur Healthy Nashte se Magnesium, Chromium aur Tambe jaise zaruri tatwa aapke shareer ko milenge joki aapka Stamina badhane me aapki madad karenge.

Khane me Protein Ki Matra Badhaye

Achche gun waale protein khana khaye. Isme humare shareer ko kaam karne ke liye zaruri Amino Acid hote hai. Apne Bhijan me Ande ka safed waala bhag, kam wasa waala doodh aur doodh ke products, Fish aur chicken jaise khaane shamil kare.

Lambi Aur Gehri Saase Le

Jub bhi Samay mile lambi aur genri saase liya kare aur bahut dheere se andar ki hawa bahar nikale. Iss Body ko bahut relax hota hai aur ye aapke Stamina badhane me bhi bahut madadgaar shamil hoti hai.

Agar kabhi aap bahut jaada thak gaye ho aur aapki saase tez chal rahi ho toa fauran lambi aur gehri saas lena shuru kr de 5 minute ke andar aapki thakaan kam hona shuru ho jayegi.

 

Agar aapko ye Blog padh kar achcha laga aur kuch achcha ya naya sikha aapne toa apne dosto ko bhi sikhaye. Aur unhe ye link share kare. Humari ye koshish rahegi ke aapko hum rozana kuch naya sikhaye.

Agar aapko humse kuch poochna hai toa comment me aap pooch sakte hai.

  • Article By :
    Sahi Tarika Ek Koshish hai Sabko HarCheez Ka Aasaan Aur Sahi Tarika Batane Ki. Ye Ek Educational Blog Hai, jisme koshish ki gayi hai bahut si baate batane ki jo hume roz ki zindagi me zarurat padti hai. Aapko humse kuch bhi poochna ho, ya koi nayi jaankari chahiye ho toa hume email kare tarikasahi@gmail.com. Humari Koshish rahegi ke hum hamesha aapko Sahi Jaankari dete rahe.

Random Posts

Leave a Reply